Loksins er komið nýtt ár. Ég er búin að vera að reyna að muna að skrifa 2005 í allt kvöld... bara búin að ruglast nokkrum sinnum :)
En alla vega var æði á gamlarsdag hjá okkur. Við fórum í mat til tengdamömmu þar sem ég gerði mig að algjörum fávita. Greyið mamma Jobba var búin að hafa þvílíkt fyrir matnum, ótrúlega flott og fínt allt. Svo kem ég .... matarkikkurinn mikli..!! Í forrétt voru þvílíkir sjávarréttir sem mín borðaði auðvitað ekki. Síðan var kalkún, nautakjöt, ofnbakaðar kartöflur, maís, gulrætur og annað flott. En mín borðaði ekkert, reyndi að gera tilraun í kalkún og ofnbakaða kartöflu, gekk ekki vel. Svo kom eftirrétturinn, en það reyndist vera núggat í ísnum, DAMN! Ég gat ekkert borðað. Mér verður aldrei aftur boðið í matarboð hjá tengdó, hatar örugglega að fá mig í mat!
Partý var hjá okkur um kvöldið. Þetta lið mætti og skemmti sér: Ég, Jobbi, Sigga F, Jóhanna Bettý, Haffi, Einar, Jói, Lilja, Axel, Bjartur, Tinna Björk, Einhverjir fleiri gaurar, ... kannski voru fleiri en þetta, man ekki alveg.
Jobbi gerði snilldardrykk, Rauðvínsbollu. Ég hata rauðvín en þetta var alveg geðveikt gott :) Við fórum ekkert niður í bæ, heldur vorum heima djammandi alla nóttina. Fólk fór síðan að týnast heim um átta leytið og við fórum að sofa.
Svo vaknaði ég við símann kl 4, pabbi að athuga hvort við værum ekki á leiðinni í mat, úff!! Ég ákvað að afboða kurteislega sökum hausverkja ;)
Nú er bara að skipuleggja næsta djamm... hehe segi svona ;)
